Конзервативна стоматологија

Денес постојат многу естетски решенија за Вашите заби кои се едноставни и трајни. Конзервативното естетско решение со современи нанокомпозити од реномирани брендови (Ivoclar, GC, Ultradent, Coltene...) може да ја одложи протетската реконструкција, а воедно и да понуди решение на Вашиот проблем.

• Естетски реставрации со композитни материјали во антериорен сектор
  - затворање на диастеми без брусење
  - менување на стари неестетски пломби
  - лекување на кариес
  
• Естетски реставрации со композитни материјали во постериорен сектор
  
• Надградби од композитни материјали на ендодонтски лекувани заби
  
• Гласјономерни пломби
  

Ендодонција

Не лекуваниот кариес често стасува до нервот на забот и со тоа предизвикува негови заболувања. Во зависност од дијагнозата следи лекување на забот. Бидејќи, лекувањето на забите во стоматологијата може да се спореди со операција на срце во хирургијата, тоа мора да биде сработено во апсолутно сува средина по претходна изолација со кофердам. Коренските канали се обработуваат машински сo ендомотор по Protaper метод, потоа се иригираат и ултразвучно се чистат и на крајот херметички се затвораат. За ендодонцијата да биде успешно изведена и предвидлива се работи со апекслокатор и под рентгенски мониторинг. На ваков начин е возможно да се обработат и заби кои имаат криви корени во целата нивна должина. Со добро изведена ендодонција се избегнува екстракција на проблематичните заби кои имаат периапикални процеси и понатамошна протетска или имплантолошка терапија.

Ортодонција

Навремено дијагностицирање на неправилностите во растот и развојот на забите, забните лакови и целиот усно-лицев масив е прв услов за успех во ортодонтската терапија. Раната дијагностика нуди можност за примена на широк спектар на ортодонтски техники како изборни решенија во корекцијата на овие аномалии.

• Превентивна ортодонција – отстранување на можните предизвикувачи на ортодонтска неправилност кај нашите најмали пациенти( цицање цуцла, цицање палец, дишење на уста, предвремено губење на млечните заби)
  
• Интерцептивна ортодонција – корекција на лоши навики кои може да доведат до ортодонтски аномалии (цицање цуцла, цицање палец, дишење на уста, тискање на јазик)
  
• Миофункционална терапија – корекција и балансирање на функцијата на мускулатурата на орофацијалната регија кај деца и возрасни. Усмерување во правилен раст и развој ( MYOBRACE)
  
  
• Терапија со мобилни ортодонтски апарати
  
  
• Терапија со фиксни ортодонтски апарати
  
  
• BEINVISIBLE – ортодонтска терапија со алајнери
  
  

Темпоромандибуларна дисфункција (ТМД)

Современиот начин на живот проследен со многу стрес резултира со чести главоболки. Бруксизмот, односно чкртањето со забите, е речиси редовна состојба кај современиот човек. Изворот на овие главоболки не ретко е во темпоромандибуларниот зглоб, поради негова преоптеретеност и преоптеретеност на џвакалната мускулатура. Навремената дијагностика и терапија може да ја отстрани болката и да ги спречи промените што настануваат во зглобот.

• Лекување на темпоромандибуларна дисфункција(ТМД) -физикална терапија со вежби, Aqualiser, сплинт
  
• Корекција на загриз со корекција на положбата на зглобот пред протетска терапија или поставување на ортодонтски апарат
  
• Балансирање на функцијата на мускулите во пределот на лицето и вратот во терапија на бруксизам
  

Болести на устата и пародонтот

Меките и тврдите ткива околу забите (пародонталниот лигамент, алвеоларната коска, непцата и епителните прираснувања) се темел што ги држи забите всадени во коската. Здравјето на непцата е нужно за здравје во устата. Со правилна едукација на пациентот и редовни пародонтални третмани тоа може да се постигне.

• Дијагностика и лекување на усни болести
  
• Лекување на гингивитис
  
• Лекување на хроничен и акутен пародонтитис
  
• Ултразвучно чистење на тврди забни наслаги
  
• Отстранување на меки забни наслаги
  
• Лупење и замазнување на корените на забите
  
• Киретажа
  
• Медикаментозен третман на непца
  

Протетика

Протетиката овозможува реконструкција на сé што Ви недостасува во устата. Со врвна и прецизна протетска реконструкција можете да си овозможите квалитетен живот.

Фиксна протетика:

• Метал-керамички коронки
  
• Полнокерамички коронки
  
• Титаниум-керамички коронки
  
• Метал-керамички мостови
  
• Полнокерамички мостови
  
• Титаниум-керамички мостови
  
• Метални надградби
  
• FRC надградби
  
• Фиксна супраструктура на импланти
  
• Порцелански фасети
  
• Инлеј/онлеј
  

Мобилна протетика:

• Тотални протези
  
• Парцијални протези со лиена база и вградени атачмени
  
• Пародонтално потпрена тотална протеза
  
• Тотална протеза на импланти
  
• Конусни коронки
  
• Reachmond атачмени
  

Естетска стоматологија

Современите методи и материјали што ги користиме овозможуваат високо естетски решенија за Вашите проблеми во устата. Естетските корекции секогаш се работат минимум инвазивно, а тоа значи со што помалку состругување на забите да се постигнат посакуваните резултати. Наша цел е никој да не може да препознае дека имате протетска реконструкција во устата и сѐ да изгледа природно.

• Порцелански фасети (Е.max lithium disilicate/фелдшпатни фасети)
  
• Полнокерамички коронки и мостови E.max lithium disilicate
  
• Полнокерамички коронки и мостови zolid full contour
  
• Полнокерамички коронки и мостови Empress
  
• Полнокерамички коронки и мостови zirconium oxide
  
• Инлеј и онлеј E.max lithium disilicate, zirconium oxide
  
• Белење на заби
  
• Естетски композитни реставрации
  

Хирургија и имплантологија

Хируршките интервенции понекогаш се неизбежни и со нивна помош можеме да го продолжиме животниот век на “проблематичните“ заби, да создадеме услови за подобра протетска реконструкција во смисла на црвено-белата естетика. Хирургијата ни е на располагање и секогаш кога постои проблем кој поинаку не е решлив.

• Гингивектомија
  
• Екстракција на заби
  
• Екстракција на заостанати корени
  
• Инцизија на абсцеси и дренажа
  
• Всадување на импланти
  

Детска стоматологија

Создавањето на навиките започнува од најраната возраст. Вашето дете треба да се запознае со стоматолошката ординација и со стоматологот најдоцна до втората година од животот. Не чекајте тоа да доживее болка за да посетите стоматолог. За полесен пристап и соработка со децата, како и за едукација за одржување на правилна усна хигиена ја создадовме работилницата „Повеќе насмевки“. Со наша помош заедно со Вас можеме да создадеме идни генерации со здрави заби и подобро здравје во секаква смисла.

• Санирање на кариес на млечни заби со композитни пломби
  
• Едукација за усна хигиена за деца
  
• Работилница „Повеќе насмевки“
  
• Гласјономерни пломби
  
• Неинвазивно и инвазивно залевање на фисури со композитни залевачи
  
• Топикално флуорирање на млечни заби
  
• Ендодонтско лекување на млечни заби
  
• Екстракција на млечни заби